Olatz etiketadun mezuak erakusten. Erakutsi mezu guztiak
Olatz etiketadun mezuak erakusten. Erakutsi mezu guztiak
2013(e)ko abenduaren 15(a), igandea
Irakaskuntza funtzio ikasgaian barneratutakoa
Oraingoan,
Irakaskuntza funtzioko irakasleak, ikasgaiaren inguruan zer ikasi
dugun zer eginaz pentsatzea eta horri buruz hausnartzea bidali digu.
Hainbat
gairen inguruan lanean ibili gara metodo ezberdinak erabiliz.
Esaterako, tutoretza lanari buruz aritzean, banakako eta taldekako
tutoretzak daudela ikasi dut, “gurasoen” aurrean hitz egiten eta
horretarako zelan planifikatzen diren. Honekin jarraituz, hori estuki
lotuta dagoen ebaluazioa ere jorratu dogu. Ebaluazioaren inguruan,
urte osoan hiru direla garrantzitsuenak esan dezaket; Hasierakoa,
erdikoa eta ikasturte amaierakoa. Honez gainera, ikasleak eta
irakasleak ere ebaluatzen direla ikasi dut; ikasleak errubrika baten
bitartez, eta irakasleak, auto-ebaluazio baten bitartez.
Guzti
honez gainera, irakaskuntzan aritzea zer den eta irakasle on bat
nolakoa izango litzatekeen ikasi dot elkarrizketa baten bitartez.
Elkarrizketa, guk miresten dugun irakasle bati egin genion eta
horrekin irakaskuntzan aritzea zelakoa den eta irakasle izatearen
zailtasunak zeintzuk diren ezagutu ditut.
Honekin batera, hezkuntza mota ezberdinak eta arazoak eman izan ditugu; batetik, hezkuntza mistoa eta segregatua eta, bestetik, ezaguna den "pigmalion efektua". Azken hau, aurreiritziei buruz hitz egiten du; irakasleak dituen aurreiritzien ondorioz ikasle batzuei baino arreta gehiago eskeintzen die eta honek bere ikasketetan ondorioak dakartzala.
Landutako beste esparru bat bloga da. Bertan, hezkuntzarekin zer ikusia duen gai bat aukeratu eta bertan, gaiari buruz hitz egin hausnartu eta gela barruan gai hori zelan landu idatzi izan dugu, zeharka, gaitasun teknologikoak landuz.
Bestalde, taldeka, bakoitzak gai bat aukeratu, horren inguruan informazioa bilatu, jorratu, eta hausnartu egin dugu, ondoren, beste batzuekin nire gaia eta beraiena elkarri azalduz galderen bitartez. Gaiak, hala nola, hurrengokoak ziren; bulling-a, teknologia barriak hezkidetzan, elkartasuna, eta, azkenik, adimen emozionala izan dira, azken hau, nire taldeak aukeratutako gaia izanda.
Amaitzeko, esan beharra dut, guzti hau aurrera eramateko, hiruhilabete honetako irakaskuntza funtzioko ikasgaiaren metodologia aproposa iruditu zaidala, izan ere, nire ustetan, talde lana bultzatu du, praktikotasuna erabiliz gure artean.
2013(e)ko azaroaren 10(a), igandea
2013(e)ko azaroaren 7(a), osteguna
Mezu objetiboa. Adimen emozionala.
Ikerketa
psikopedagogikoaren arloan, “Adimen emozionala” hitza Peter Salovey-
ek (Harvard) eta John Mayer-ek (New Hampshire) erabili zuten lehen aldiz
1990an. Eskolan eta arlo
profesionalean arrakasta zeukaten pertsonen ezaugarri emozionalak deskribatzeko
erabili zuten
Adimen emozionalak,
norberaren emozioak ezagutzeko eta besteenak interpretatzeko balio du. Honek,
norbera ondo ezagutzeko eta besteekin harreman egonkorrak egiteko laguntzen
digu, baita besteen tokian jartzeko eta besteak ulertzeko ere. Honez gainera,
bakoitza emozionalki ondo egoteak, ikasketa prozesuan zein lanean eragin
positiboa dauka.
Adimen emozionalak oinarrizko 5 gaitasun ditu eta hurrengo hauek
dira;
·
Norberaren
emozioen ezagutza: Momentu bakoitzean esperimentatzen eta sentitzen denaz
ohartzeko gaitasuna, eta horren ondorioz daukan jokaeraren arduraduna dela
konziente izateko ahalmena. (Nire emozionak nireak dira eta ni nahiz beraiekin
egiten dudanaren arduraduna).
·
Emozioen
bideratzea: Emozioak bizitzako zailtasunei aurre egiteko erak dira.
Sentimenduak onartu, arlo seguruetan espresatu eta oreka berreskuratzeko
jokatzen dute.
·
Enpatia: Besteen
esperientzia eta sentimenduak ulertzeko gaitasuna. Sentimendu horiekin bat
egiteko eta lasaitzeko ahalmena, besteak oreka berreskuratzen lagunduz.
·
Automotibazioa: Emozioak
ordenatzeko gaitasuna merezi duten helburuak lortzeko. Emozionalki
inteligenteak direnak baikorrak eta borondate handikoak dira, ez dira
zailtasunen aurrean beldurtzen, pazientzia daukate, itxaroten dakite eta lanean
jarraitzen dute inporta zaiena lortu arte (perseberantzia).
·
Trebetasun
sozialak: Emozionalki inteligenteak direnak lagunak egiten dakite,
gatazketan ondo moldatzen dira eta guztientzat onargarriak
diren konponbideak bilatzen dituzte.
Irakasleak ere, emozioak
landu beharko lituzke, eta hurrengoko puntuetan, hainbat ekintza daude gelan
jorratu daitezkeenak:
·
Elkarrizketa: umeekin
emozioei buruz aho betez hitz egiteko.
·
Mimika: emozioak
aurpegiko espresio eta gorputzeko keinuen bidez adierazteko. Etxean lantzen
bada, ispiluaren aurrean egin daiteke; eskolan lantzen bada, berriz, aurrez
aurre.
·
Ipuinen
irakurketa: bertan ematen diren emozioak norberaren buruarekin lotzeko.
Horretarako komenigarria da galderak egitea pertsonaiek sentitzen dutenari
buruz eta horrek besteengan duen eraginari buruz. Era berean, intonazioa zaindu
beharreko atala izango da, emozioak enfatizatzeko.
·
Musika:
beraiengan emozioak sentitzeko eta horiek beraien gogo-aldartean zelan eragiten
duten ikusteko.
·
Joku
sinbolikoa: barneko emozioak libreki adierazteko eta besteen lekuan jarri
ahal izateko.
·
Jolas
kooperatiboak: guztiek parte hartu eta emozioak komunikatu ahal izateko
·
Marrazketa: emozio
bat eta bestearen arteko espresio desberdintasunei arretaz begiratzeko. Etxean
egiten bada, marraztutako emozio desberdinak begi-bistan dagoen toki batean jar
daitezke eta, umea emozio bat adierazten duenean, hara eraman daiteke sentitzen
duen emozioa marrazkien bidez antzemateko. Eskolan ere egin daiteke hori edo,
bestela, karetak prestatu emozio desberdinen espresioekin.
·
Argazki-albumei
begirada: umeek ondo pasatuz beraien eta besteen emozioak hautemateko.
Bestetik, irakasle eta
gurasoen arteko elkarlana ere egon behar da, egin beharreko lehenengo zeregina
emozioekiko beldurra kentzea da. Eta horretarako prestatua egon behar da
emozioen alorrean. Gainera, ezinbestekoa da irakasle zein gurasoek gai honen
garrantziaz kontzientziatzea.
Behin guzti hori kontuan hartuta, haurrari erakusten hasi beharko zaio sentitzen dituen emozioak aurpegiko espresioarekin eta hitz aproposarekin lotzen. Horrela, egoerari aurre egiteko prest egoteko.
Gurasoek eguneroko pasarte emozionalak aprobetxa ditzakete umeari garapen emozionalean laguntzeko. Adibidez, umea triste edo haserre dagoenean, sentitzen duena zer den zehatz-mehatz esanez eta emozio horrek eragiten dionaz jabetzeko animatuz.
Behin guzti hori kontuan hartuta, haurrari erakusten hasi beharko zaio sentitzen dituen emozioak aurpegiko espresioarekin eta hitz aproposarekin lotzen. Horrela, egoerari aurre egiteko prest egoteko.
Gurasoek eguneroko pasarte emozionalak aprobetxa ditzakete umeari garapen emozionalean laguntzeko. Adibidez, umea triste edo haserre dagoenean, sentitzen duena zer den zehatz-mehatz esanez eta emozio horrek eragiten dionaz jabetzeko animatuz.
Genero ikuspegitik, esaterako, emakume zapaldu batek ez badaki bere egoera adierazten, hau da, ez baditu bere emozioak identifikatzen, ezagutzen eta helarazten, bere zapalkuntza egoera areagotu daiteke. Beraz, oso argi dago, lehen esan bezala, beharrezkoa dela emozioak adierazten jakitea.
Hezkuntzari dagokionez, irakasle batek ikaslearen sentimenduak eta emozioak ezagutu behar ditu, bere egoera ulertzeko. Horrela, ikasleak irakasleak bere egoera ulertzen duela ikusten badu, ikaskuntza arloan ziurtasun gehiagorekin ariko da eta motibazio gehiago izango ditu. Gainera, terapia egiteko ere balioko dio, barrua husten baitu eta horrela lasaiago sentitu.
2013(e)ko urriaren 29(a), asteartea
Zergatik emozioak?
Juan irakasleak bi aste hauetan gai bat lantzeko esan digu, guk aukeratutakoa.
Gure gaia EMOZIOAK izango da, eguneroko bizitzan oso garrantzitsuak direlako eta ez ditugulako behar bezala adierazten, beldurragatik, lotsagatik... Izan ere, emozioak denok sentitzen ditugu bizitza osoan zehar, momentu oro, baina gehienetan gaizki ikusita dago emozio horiek adieraztea.
Hezkuntza ikuspegitik begiratuz, ez dago aukerarik emozioak adierazteko, ez klasean, ez indibidualki, eta irakasleek ez diote garrantzirik ematen hauei. Horregatik, ikasleak ez dakizki emozioak kontrolatzen, ez ditu ezagutu ere egiten eta gure ustez, hemendik dator ikasle askoren porrota.
2013(e)ko urriaren 23(a), asteazkena
Irakasleari egindako elkarrizketaren mapa kontzeptuala
Hemen daukazue guk egindako mapa kontzeptuala:
Elkarrizketatik ikasitakoa
Gaurkoan, elkarrizketatik ikasitakoa amankomunean jarri dugu taldeko guztiok eta hurrengoa ondorioztatu dugu:
- Jakintza berritu behar dugu, gauza berriak ikasi eta egungo egoerara egokitzeko. Hau da, metodologia berrietara egokitu eta teknologia berriak erabiltzen ikasi (arbel digitala) adibidez.
- Beste nolabaiteko molde bat erabiltzen baduzu ikasleekin gertutasuna adieraziz, ikasleek beren kabuz aurkitzen dute bidea. Esaterako, Xabik bere irakaslearekin elkarrizketa egin zuenenan, irakasleak esan zion ea gogoratzen zuen txikia zenean estoldan bera eta lagunek sua egin zutenekoa. Maisuak sua egiten ikusi zituen eta itzai beharrean eta bronka bota beharrean, beraiei ondorioak azaldu zizkien eta beraiei ulertarazi zien arriskuaz. Azkenean beraiek beren borondatez sua itzali zuten.
- Irakasle guztiek uste dute esperientziak asko erakusten duela eta pertsona bezala garatzen zarela.
- Arduratsua izan behar du, ez dugu ahaztu behar, irakaslea hainbat haurren kargupean dagoela eta hauen garapena ahalik emankorrena izatea bermatu behar du.
- Puntu honetan ere guztiek iritzi berdina zuten: haurra ulertu behar dela, bere osotasun guztian, bera den bezalakoa onartuz eta errespetatuz.
Puntu hauek dira gehienbat gure elkarrizketatzaileek amankomunean izan dutena eta guri helarazi dizkigutenak.
2013(e)ko urriaren 17(a), osteguna
Irakasleari elkarrizketa
Pasadan astean, Irakaskuntza funtzioko irakasleak, miresten dugun irakasle bati elkarrizketa bat egiteko bidali zigun, eta nik, argi eta garbi nuen nor izango zen elkarrizketatuko nuen irakaslea; Jaione.
Jaione, nire praktikaldietako tutorea zen, eta berekin batera jardun nituen nire praktikak. Izan ere, haur hezkuntzako titulua atera nuen iaz, eta Jaione praktikaldietako tutorea izateko sortea izan nuen. Pasadan Astelehenean egin genuen elkarrizketa, eta benetan ere gustora egon ginen, pertsona maitakorra da, eta ezagutu bezain pronto antzematen dozu hori.
Nabaria da irakasle izatea benetan ere gustoko duela, bere haurretaz hitz egiten zuenean, berak erabiltzen duen matodologia, bere bizipenak, bere egunerokoa... guzti honez hitz egiten zuen bitartean irrikak, ilusioa eta gogoa transmititzen zituen. Horrelako irakasleak egon beharko lirateke; gauzak gogoz eta ilusioz egiten dutenak, benetan ere inplikatzen direnak, behin eta berriz ikasten daudenak, dakitena berriztatzeko eta aberatsagoa izateko, aukera ezberdinak ematen dituenak, zugan sinisten dutenak... Azken finean benetan ere andereƱo, maisu, irakasle izatea.
2013(e)ko urriaren 14(a), astelehena
2013(e)ko urriaren 6(a), igandea
Pigmalion efektuari buruzko arazo eta konponbideak
Artikulu hau irakurtzerakoan, zenbait arazo edo oztopo ondorioztatu ditut;
Hasteko, aurreiritziak zerikusi handia duela esango nuke honen inguruan. Izan ere, badaude ikasleak ezagutzen ez dituen irakasleak beraietaz berba egiten dutenak, eta aurretikako aurreiritziak dutenak. Argi dago, aurreiritzien inguruan ez dagoela zuzeneko konponbide edota irtenbide bat, aurreiritziak "kontrolatzen" jakin behar dugula irakasleak, gauzak ezberdintzen, ahal den heinean behintzat, ahalik eta objetiboen izaten.
Aurreiritziarekin loturik,esan beharra dut baita, irakasleak aurretik pentsatzen dutena haurrengan eragina izango duela argi eta garbi; esaterako, txarrak aterako dituela pentsatzen badugu, inkonzienteki tratuan, azaltzerako orduan... pentsamendu hori umeak nabaritu egingo du eta seguruenik, emaitzak ez dira hain onak izango, eta alderantziz.
Guzti honek, haurren motibazioari kalte egin diezaieke; ikasle onak, emaitza onak ateratzen dutenak, behar bada, klasean aspertu egin daiteke eta ikasle txarraren gogo eta motibazioak ere kaltetu egin daitezke frustrazioaren ondorioz. Honen konponbidetzat, gelako guztiak nahastu, eta bata besteari lanetan, azalpenetan... laguntza ematea egingo nuke.
Muxutxuk.
2013(e)ko irailaren 19(a), osteguna
HEZKUNTZA ESKUBIDEA
Jatea eta edatea beharrezkoa den bezala, ikasteak ere izan beharko luke. Ez al duzue uste?
Borroka dezagun guztiok, denon ametsak egi bihur daitezen!
Muxutxuk.
Harpidetu honetara:
Mezuak (Atom)

