2013(e)ko azaroaren 17(a), igandea



Praktikaren praktikotasuna:

Aurreko testuan aipatutako ikasketa enpirikoarekin lotuta, praktiketan oinarritzen diren hezkuntza sistemak bilatzen negoela bideo honekin egin dut topo:


Bertan, grafikoki azaltzen da zein izango litzatekeen (eta zein den) ikasketetan praktika alde batera uztearen emaitza, eta berriz ere , pupitre eta aulkiaren erabilgarritasunaz egon naiz pentsatzen. Flash-back moduan nere burua LHko 4.mailara joan da eta “inguru”- ko klase aspergarri batean nago. Andereñoa, zuhaitzek eta landareek behar-beharrezkoak dituzten eguzki izpietaz ari da, hostoetan ematen den eztakit zer prozesurako… Egia esan ez nau batera erakartzen klase horrek,  eta laister hasi naiz Son Goku-ren kromoak kontatzen mahi azpitik.

Beste oroitzapen bat etorri zait burura. Oraingoan Otxokiko parkean gaude inguruneko irakaslearekin zuhaitz mota desberdinak katalogatzen eta bihotz itxurako hosto bat aurkitu det. Andereñoak Ginkgo- Biloba zuhaitzarena dela esan dit, eta dinosaurioen garaiko zuhaitz mota bat dela! Bereala sartu ditut poltsikoan bizpairu hosto etxean aitari erakusteko.

Hamar urte pasa dira eta batek daki nun dauden etxera ekarritako hosto horiek. Baina kalean Ginkgo bat topatzen deten bakoitzean badakit ze zuhaitz den… Aldiz, zeintzuk dira sistema endokrinoaren ezaugarriak ?



1 iruzkin:

  1. Aurrekoan esandakoak balio du honetarako ere. Oso irudi ona ginkgo arbola zein den ikasi zenuenekoa.
    -
    Bideoa txertatu behar zenuke, ez horrela utzi.

    ErantzunEzabatu